حرقت الضو الاحمر
واحد المراة كان تسوق سيارتها وحرقت الضو الاحمر .وقفها البوليسي وقال ليها الوراق ديالك السيارة امدام .قالت ليه أنا معلمة .وهو يقول لها من صغري وانا كنتسنى هاد الفرصة .يالله جبدي ورقة وستيلو أحمر وكتبي 100 مرة عمري مانبقى نحرق الضو الاحمر
الرايب البلدي
قاليك هادا واحد الفقيه ديما كياكل الرايب واحد النهار جاو عندو صحابو قالوليه علاش كتاكل الرايب قاليهوم سيأتي يوم لا ريب فيه
المغاربة خطر ؟
قالك هذا واحد المغربي وشنوي اتفقوا باش كل واحد يضرب الاخر ضربة. ناض الشنوي ضرب المغربي ضربة خايبة، يومان والمغربي فالكومة .المغربي سول الشنوي شنو اسم الضربة قال ليه Frape coshi .ناض المغربي حتى ضرب الشنوي 10 وهو فالكومة فاش ناض سول المغربي شنو اسم الضربة قال ليه المغربي سميتها k.m.j كلامونيط ملوي فالجورنان
الشفنج
واحد مشى عند مول الشفنج، قال ليه: عطيني كيلو ديال الشفنج. كلاه وما شبعش، قال ليه: زيد نص كيلو. كلاه وما شبعش، قال ليه: زيد رابعة. كلاه وهو يشبع، وقال تفوووووووو من اللول كنت خديت رابعة
الرباط
هادا واحد ماعمرو ما مشى للرباط... نهار مشى ليها، لقا ف الدخلة ديالها بلاكة مكتوب عليها " الرباط سلا"... هو يقول لصاحبو: هاد الرباط ما لقي ايمتا يسالي حتا جيت ليه
الخياط
واحد السيدة حطات ثوب عند الخياط باش يصوب ليها جلابة
ملي جات تاخذها، قيساتها قدامو وجاتها قصيرة
الخياط عرف راسو قفرها، قال ليها: طواليتي يا العفريتة
باباك جالس حدايا
واحد البنت كتهضر مع ولد عمها فلانترنت المرة الاولى مرضش عليها المرة الثانيا مرضش عليها الثالتة كدلك والو مرضش وهي تكعى عليه قالت ليه هاك واحد المفاجئة راه هدي عامين و انا مصاحبة مع جلال صاحبك وكل نهار كنهضرو تلاتة ساعات فالتيليفون وكنخرجو كل اسبوع..... قالها هاكي نتي المفاجئة الكبرى ,,,باباك جالس حدايا
الحالة المدنية
واحد مشا يقيد ولدو فالحالة المدنية.. سولو الموظف آش بغيتي تسميه؟
گال ليه : أبو بكر الصديق
الموظف : الأسماء المركبة ممنوعة شوف شي سمية آخرى
جبد ليه 500 درهم
.
الموظف دارها فجيبو و گال ليه : بغيتي نزيد گدامها "رضي الله عنه" أولا بلاش
Aucun commentaire:
Enregistrer un commentaire